زوجة تطلب الخلع بسبب “نوم زوجها “

كتب -أسماء سرور

رفعت السيدة مى .ج 28 سنة دعوى خلع على زوجها يسبب نومه الكثير الذى يأخذ كل اليوم.

وقفت مى أمام محكمة الأسرة وقالت أنا متزوجة من 5 سنين وعندى بنت وولد وفى خلال الخمس سنين دول جوزى محضرش معايا مناسبات إلا يتعدوا على الأيد ودة مش بسبب أنه مش إجتماعى بالعكس ولكن بسبب حبه للنوم الشديد.

وأضافت مى جوزى عندة أستعداد ينام أكتر من 14 ساعة واللى بيساعده على كدة شغله من البيت ودة خلى خروجه مستحيل من البيت بيحب البيت جدا ولو فى وقت فاضى عنده ينام ،زهقت من الحياة دى عمره ما جه يكشف على حد من العيال ولا بيروح لأهله وكل ما حد يتصل بيه نايم.

استكملت مى غضبت أكتر من مرة بسبب النوم وأهلى يقولوا مش سبب تخربى بيتك عشانه أعتبريه مسافر ولكن أنا زهقت من الحياة دى لا بنخرج ولا بنشوف الشارع والنادى أنا اللى  بروح بالعيال لوحدى والمصيف بطلع مع أهلى وهو ولا كأنه موجود طلبت منه كتير نشوف لو فى مشكلة صحية نعالجها ونعيش حياتنا بشكل طبيعى رفض وقال أنه بيحب النوم ،أهلى رافضين الطلاق وهو كمان رافض لجأت للخلع.

قبلت المحكمة الدعوى ولم تصدر حكمها حتى الآن.