سيدة تطلب طلاق للضرر بسبب “حماتها”
كتب -أسماء سرور
رفعت السيدة دينا.ط 30 سنة دعوى طلاق للضرر على زوجها بسبب نظافة منزل حماتها.
وقفت دينا أمام محكمة الأسرة وقالت أنا متزوجة من عشر سنين مرات الأبن الأوسط عندى اتنين سلايف اتفقو انهم ميعملوش حاجة لحماتى بالعكس بينزلو ياكلوا ويشربوا ويبهدلو الدنيا ويطلعوا شققهم وأنا اللى أعمل كل حاجة قولت لجوزى نخرج من البيت رفض وقال هيسيب أمه لمين أنا تعبت وعندى 4 عيال وأخر طفل رضيع لسه ومن كتر الخدمة تعبت وجالى الغضروف.
وأضافت دينا حماتى لما عرفت إنى قولت كدة سخنت جوزى عليا لدرجة أنه بقى يمد إيده ويجبرنى أنزل أخدم تحت يإما يبقى اليوم كله مشاكل ،غضبت روحت لأهلى بعت ليا من معارف إنى أرجع البيت واعقل يإما هيتجوز تانى وفعلا حماتى راحت تخطب ليه واحدة قريبته من بعيد أنا عرفت كدة كلمتها وقولتلها إن عشر سنين بخدمك وصحتى راحت قالت تيجى واحدة عندها صحة تخدمنى وتخدم أبنى وانتى خليكى لأبوكى ،طلبت الطلاق رفضوا وقالوا ملكيش حاجة عندنا ومش بيبعتو أى مصاريف للعيال بقالنا أكتر من 5 شهور.
قبلت المحكمة الدعوى ولم تصدر حكمها حتى الآن.
