خلافات زوجية حول “ستارة الحمام” تنتهي بطلب الخلع

أسماء سرور

رفعت السيدة “منة.ك “26 سنة دعوى خلع على زوجها بسبب عدم مساعدتها فى أمور المنزل وعدم تركيب ستارة الحمام.

وقفت منة أمام محكمة الأسرة وقالت:” أنا متجوزة من سنتين وعندى توأم مش بعرف أنام ولا بعرف أعمل أى حاجة منهم ،كان داخل علينا العيد وطلبت منه أكتر من مرة يساعدنى كان بيتحجج بالشغل وأنه تعبان طلبت أكتر من مرة أجيب واحدة تساعدنى رفض دخول أى حد غريب البيت بيقول خلى أخواتك يجو يساعدوكى أو روحى ارتاحى عند أهلك”.

وأضافت منة:” للأسف كان ليه طلبات كتير ومش بيقدر أنى لسه نايمة وتعبانة كل همه إنى أنفذ اللى هو عاوزه ،جت أيام العيد طلبت منه يساعدنى رفض وراح يعمل مع مامته الشقة ولما قولتله أنا ليا حق عليك قال أمى أولى ،قولت خلاص أول عيد للولاد فى البيت بلاش اعمل مشاكل ،لحد ما حاولت اركب ستارة الحمام وطلبت يساعدنى طبعا كالعادة طنش وللاسف وقعت اتكسرت ومن ساعتها وأنا رافضة أعيش معاه نهائى ،طلبت الطلاق ورفض ولكن أنا خلاص استحالت العشرة بينا وطلبت الخلع” .

وقبلت المحكمة الدعوى ولم تصدر حكمها حتى الآن.