سيدة تطلب الطلاق بسبب ” المواسم”

كتب – أسماء سرور

رفعت السيدة” شهد. ح “28 سنة دعوى طلاق الضرر على زوجها بسبب معايرته لها بعدم إحضار أهلها مواسم لها.

وقفت شهد أمام محكمة الأسرة وقالت:” انا متجوزة من 6 سنين وبحب جوزى وكان بينا قصة حب كبيرة حاربنا الدنيا عشان نتجوز، كان بيسمع لأهله وكانت دى المشكلة الكبيرة، المهم اول سنة جواز أهلى كانوا بيجيبوا كل المواسم وكانت حماتى تاخد الموسم تقسمه وتبعت لبنتها المتجوزة، بعد كة قولت لأهلى بلاش مراسم قالوا لا دة حقك لحد ما بابا طلع على المعاش من سنتين والدنيا بقت غالية مبقوش يجيبوا حاجة غير فى العيد”.

وأضافت:” حماتى بقت كل موسم تطلع تسألنى أهلى هيجوا امتى اقولها مش هيجوا بحاجة تعمل مشاكل وتقلب الدنيا قولت أحل المشكلة قررت أنزل اشتغل واساعد فى البيت لاقيت أن مهما ياخدوا فلوس تطلب الموسم زى ما يكون فرض على أهلى، رفضت ساعتها حصلت مشكلة وأجبرت جوزى يغضبنى يإما أهلى يلتزموا بالمواسم على طول، مشيت وقولتله يبقى كل واحد فى حاله طالما مش قادر تاخد موقف مر 4 شهور والوضع زى ما هو حتى مفكرش يبعت مصاريف لولاده، قررت الطلاق الضرر”.

وحكمت المحكمة بالطلاق طاقة بائنة وإلزام الزوج بكافة النفقات.