زوجة تخلع زوجها بسبب “النرجسية”

كتب -أسماء سرور

رفعت السيدة “فاطمة .م “25 سنة دعوى خلع على زوجها بسبب صفاته النرجسية وتدمير نفسيتها.

وقفت فاطمة أمام محكمة الأسرة تشكو زوجها وقالت:” من يوم ما اتجوزنا وظهرت صفاته النرجسية وحكم التحكم فيا على عكس الخطوبة كان ملاك فيها ،كان رومانسى ومش بيرفض ليا طلب وكان بيظهر حبه واهتمامه بيا لحد ما اتعلقت بيه وحبيته واتجوزنا واللى ظهر كل صفاته السيئة بعد الجواز”.

وأضافت فاطمة:”أصبح شخص بيعاقبنى بالصمت العقابى يقعد بالشهور مش بيكلمنى معرفش عنه حاجة ،سحب البساط من تحت رجلى بعد ما كان محسسنى إنى كتير عليه بقى العكس كل حاجة بينتقدها فيا ،مبقاش عاوزنى اروح لأهلى وقطع علاقتى بأصحابى كلهم وكان بيخيرنى بينه وبينهم ويقولى هتهدى بيتك عشان أصحابك وفى الأخر لاقيت نفسى وحيدة بعد 3 سنين جواز بس حاسه نفسى كبرت وفقدت الشغف للحياة ،لجأت للمهدئات عشان اعرف انام وابطل تفكير فى الأخر لقيته بيخونى قررت فعلا إنى أنهى كل حياتى معاه” .

وحكمت المحكمة بالخلع والطلاق طلقة بائنة.