سيدة تخلع زوجها بسبب “عملها”

كتب -أسماء سرور

رفعت السيدة “راندا.ج” 30 سنة دعوى خلع على زوجها بسبب فرضه عليها تخليها عن عملها.

وقفت راندا أمام محكمة الأسرة وقالت:” أنا متحوزة من سنة ومفيش أولاد لسه بشتغل مضيفة طيران وأكيد هو يعرف طبيعة شغلى من أيام الخطوبة فجأة اتغير وبيقولى سيبى الشغل قولتله مستحيل” .

وأضافت:” حاولت أوفق كتير وبقيت أخد الاجازات المتاحة وكل دة مكنش مرضى ليه وطلب منى أبدأ امشى فى خطوات الحمل واحنا كنا متفقين ان هنأجله على الاقل سنة بعد ما عدى كام شهر قال انا عاوز طفل ودة مكنش متاح ليا فى الوقت دة رفضت وبدأت المشاكل تزيد لحد أخر مشكلة رفض خروجى من البيت وقفل بالمفتاح وخد منى الموبايل واتصرف تصرفات مجنونة لحد ما كلمت أهلى وخدونى ،بابا كلمه يطلق رفض عشان المؤخر رفعت عليه خلع والحياه بينا وصلت طريق مسدود”.

وحكمت المحكمة بالخلع والطلاق طلقة بائنة.