سيدة تخلع زوجها بسبب “الخادمة”

كتب -أسماء سرور

رفعت السيدة نهى .ك 35 سنة دعوى خلع على زوجها بسبب خيانته لها مع الخادمة .

وقفت نهى أمام محكمة الأسرة وقالت أنا متجوزة من 11 سنة كنت من عيلة ميسورة الحال وكان جوزى فى بداية حياته حبيته لدرجة الجنون ووقفت قدام كل أهلى عشان أتجوزه وفعلا مع إصرارى والدى وافق وساعدنا نقف على رجلينا وساعد جوزى جدا عشان أعيش فى نفس المستوى .

واضافت أستمر جوازنا 8 سنين بدون مشاكل خلفت فيهم بنت وولد لحد ما أكتشفت خيامة جوزى ليا مع واحدة شغالة عنده فى الشغل ساعتها حسيت بصدمة كبيرة فقدت فيها النطق 3 شهور وكنت تعبانة جدا واتأسف وعمل المستحيل عشان أسامحه وقعد يترجانى ويخلى ولادى يكلمونى أنهم بيحبوا أبوهم ولكن أنا صممت على الطلاق وشرط عليه اطلق وبعدها أفكر نرجع وفعلا اتطلقنا شهرين ورجعنى بعدها على شروطى اللة وافق عليها كلها.

واستكملت نهى للأسف اللى بيخون مرة مش بيتعدل المرة دى عرفت خيانته مع الشغالة عن طريق كاميرات ركبتها لما شكيت فيه ولما واجهته مكنش عنده أى مبرر وساعتها قررت أخلعه لأنى مش هقدر أعيش تانى معاه مهما عمل.

حكمت المحكمة بالخلع والطلاق طلقة بائنة.