“حماتى عوزانى مكملش تعليم”..سيدة تطلب الطلاق لهذا السبب

كتب -أسماء سرور

رفعت السيدة “سهيلة.ر “24سنة دعوى طلاق للضرر بسبب منعها من دخول الإمتحانات ووقوف حماتها أمام تكملة تعليمها.

وقفت سهيلة أمام محكمة الأسرة وقالت:” أنا متجوزة من سنتين من ابن عمتى وكان الإتفاق أكمل تعليمى كنت فى أخر سنة فى الكلية لما اتجوزت وفى الإتفاق قدام الكل قالوا إنى مستعجلين على الجواز وكدة كدة محدش هيمنعنى من التعليم،وكل دة انكروه ووقفوا قدام مستقبلى”.

واضافت سهيلة:”اتجوزت وربنا كرمنى وحملت وكانت ولادتى أيام الإمتحانات اعتذرت ومدختلش الامتحان وأجلتها للسنة اللى بعدها فى الوقت دة أخت جوزى سقطت فى الدبلوم ومن ساعتها كل ما تيجى سيرة كليتى حماتى تقول مستحيل تبقى أحسن من بنتى،اتصدمت فى عمتى واشتكيت لبابا ولما كلمها المشاكل كبرت أكتر والعيلة اتدخلت وقالوا لما يجى الإمتحان يحلها ربنا،وفعلا فضلت فى شقتى لحد إمتحان الترم حماتى حكمت على جوزى يقفل عليا بالمفتاح وياخد من التليفون وساعتها اتأكدت أن نيتها فعلا مكملش تعليم وده عكس الإتفاق،استنيت لما جوزى رجع وكنت منهارة وشدينا مع بعض مد ايده عليا اتصرفت واتصلت بأهلى وأخويا ضرب جوزى وكانت فى محاضر ما بينا واتنازلنا وعملنا صلح ولكن حماتى رفضت الطلاق وعاوزة ارجع البيت تذلنى تانى،انا روحت عند أهلى ودخلت الإمتحانات الباقية وقررت اشوف مستقبلى،رفعت طلاق للضرر عشان احافظ على حقى وحق ابنى”.

وقبلت المحكمة الدعوى ولم تصدر حكمها حتى الآن.