متجوزة في بيت عيلة وأمه بتحدفني بالشبشب.. حكايات من داخل محكمة الأسرة

كتب- ندى الجبالي

رفعت حياة قضية خلع أمام محكمة الأسرة، بسبب ذل بيت العيلة لها على مدار ١٣ سنة من الزواج والمرار في بيت العيلة على يد عائلة الزوج.

وتقول حياة:”أنا متجوزة من 13 سنة أنا وجوزي مكناش نعرف بعض كويس قبل الجواز، لما اتقدملي عرفت إننا هنتجوز في بيت عيله، وقلت زيي زي الناس وخلاص، وخاصة ان خطيبي وقتها كان محترم وهادي”.

وتستكمل:” المشكلة أن أهله مش بيحبوني ومش عايزني ابقى مرات ابنهم، في الأول كانوا كويسين عادي ولما بتحصل مشكلة بتبقى زي أي بيت ،  وأنا كنت بتحمل المشاكل وأكبر دماغي وبالذات بعد ما خلفت قلت امشي دنيتي وخلاص، مهما وصلت المشاكل”.

وتضيف:”جوزي كان شغال في محافظة تانية، وبيغيب بالشهر المشكلة كانت في أهله كانوا بيبهدلوني وهو مش موجود شتيمة وبهدلة وكانت بتوصل امه بتحدفني بالشبشب ، وتيجي قدام جوزي وتنكر وجوزي يصدق، هي دي مشكلته الوحيدة، لما عيالي كبروا مستحملتش اتهان قدامهم وسيبت البيت ورحنت للمحكمة عشان قاضي محكمة الأسرة يخلصني من اللي انا فيه”.