سيدة تطلب الطلاق للضرر بسبب سرقة الخاتم

كتب -أسماء سرور

رفعت السيدة “ياسمين .م “28 سنة دعوى طلاق للضرر بسبب سرقة حماتها لخاتم الذهب وعدم الإعتراف بذلك.

وقفت ياسمين أمام محكمة الأسرة وقالت:” انا متجوزة من اربع سنين فى عيلة ظاهريا محترمين وكويسين ولكن فى الداخل أسلوبهم صعب وحياتهم صعبة وكنت بمشى حالى عشان ميحصلش طلاق،سافرت أولد ابنى بعد سنتبن جواز ولكن لما رحعت شقتى لاقيت خاتم دهب أختفى ولما سألت قالوا”شوفى انتى بعتيه ولا راح فين إحنا مفيش حاجة هنا بتضيع” سكت واستعوضت ربنا”.

وأضافت:” مرت الأيام وكنت نسيت لحد ما حماتى وقعت ورجليها اتكسرت وكنت أنا بخدمها وبنضف لحد ما فى مرة لاقيت الخاتم بتاعى ساعتها اتسرعت وروحت واجهتها قعدت تصوت وتقول بتسرقينى وكان سلفى موجود وساعتها اتعدى عليا بالضرب،استنيت جوزى يجى ياخد حقى وافهمه اللى حصل فوجئت بيه طالع يكمل عليا ضرب،روحت عملت محضر بالضرب وسرقة دهبى كله جه جوزى وأهله يغلطونى إنى ازاى أسرق امهم ساعتها أبويا طلب الطلاق واخد كل حقوقى رفضوا ساعتها قررت ارفع طلاق للضرر”.

وقبلت المحكمة الدعوى ولم تصدر حكمها حتى الآن.