هي والمحكمه
مآسي محكمة الأسرة..سيدة: بمسح سلالم وأطبخ في البيوت عشان البيه مبيشتغلش
كتب- ندى الجبالي
“معيشني خدامة وعايش عالدخان وعالة على عرقي وشقايا”.. بتلك الكلمات استهلت سمر، كلماتها أمام خبراء محكمة الأسرة بعدما قامت برفع دعوى طلاق للضرر عقب ٧ سنوات من الزواج.
وتروي سمر:” كنت فاكراه راجل وبيتحمل المسئولية بس من أول الجواز وهو قاعد في البيت على طول من غير شغل، وأنا طبعا اللي بقيت بصرف على البيت وبقيت بلف البيوت ولمسح السلالم عشان اعرف اصرف على البيت والعيال”.
وتضيف: “حاولت معاه كتير، وهو ولا هو هنا وبرضو مش عايز يشتغل خالص ولا يعمل أي حاجة خالص، وخلف معايا وشقاني، وكنت شايلة كل حاجة من أول للأخر، وبصرف وبدفع وكل حاجة من جيبي.. طب ايه لازمته بقى”.
وتوجهت الزوجة إلى محكمة الأسرة راقعة قضية طلاق على زوجها، منذ ٦ أشهر، ولا تزال القضية مرفوعة إلى الآن.
