هل يجوز الزواج العرفي مقابل سداد الديون؟.. سيدة تثير الجدل وأمين فتوى يصدمها (تفاصيل)
كتبت – آية عثمان
أثارت سيدة ضجة واسعة بسؤال مثير للجدل وجهته للشيخ عويضة عثمان، أمين الفتوى بدار الإفتاء، مما تسبب في انفعاله عليها غاضبًا على الهواء مباشرًة.
هل يجوز الزواج مقابل سداد الدين؟
تساءلت السيدة حول رأي الدين وحكم الشرع فيما يتعلق بسعيها لزواج ابنتها بهدف سداد الديون المتراكمة عليها، حيث قالت:
“استلفت من واحد 56 ألف جنيه، علشان أعمل عملية لبنتي، ومش هقدر أردهم ليه في الوقت الحالي”.
وتابعت: “الراجل طلب من يتجوز بنتي الصغيرة بعقد عرفي لمدة 6 أشهر مقابل المبلغ ده، وأنا رفضت وقلت له دي يتيمة، ومش عارفة أعمل إيه؟”.
استنكر أمين الفتوى ما تود السيدة أن تفعله بابنتها حيث قال: “جواز مؤقت يعني هتبيعي بنتك، ده كأنه بيشتري حاجة، هقول إيه في الضمائر اللي ماتت، أعوذ بالله، للدرجة دي الناس مش عايزة تعمل عمل خير للآخرة”.
وأضاف عويضة عثمان: “إيه يعني 56000 جنيه وأكيد اللي بيدي الرقم ده عنده آلاف غيرها، عشان كده أوعي تفرطي في بنتك ده إنسان ضميره ميت، إحنا مش فى الجاهلية علشان يشترى بنتك”.
