من دفاتر محكمة الأسرة..سيدة فى دعوى الطلاق:”مصمم يجيب أمه تعيش معانا”
كتب -أسماء سرور
“مصمم يجيب أمه تعيش معايا فى شقتى وهيا عمرها ما رفعت سماعة تسأل عنى..بتكرهنى”، هكذا بدأت سماح كلامها داخل قاعة محكمة الأسرة تعالوا نعرف إية الحكاية؟.
طلب الزواج
وقفت سماح تبدو عليها الحيرة أمام محكمة الأسرة وقالت:”فى البداية أنا تزوجت جارنا فى المنطقة التى كنت اسكنها وأنا طفلة ثم انتقلنا للعيش فى أحدى المدن الجديدة وانقطعت الأخبار عنهم حتى عادت والدتى للشقة وعادت العلاقات من جديد ورآنى فيها زوجى بعد سنوات طويلة من الإبتعاد.
وتابعت سماح وقالت:” كنت بحبه جدا ولكن كان فى حد مش سعيد بعلاقتنا دى وبدأت الغيرة تظهر من أول الخطوبة وتعلق على كل تفصيلة أعملها او أطلبها ودايما تطلعنى مقصرة ومهملة”.
التدخل فى حياتى
أضافت سماح وهى تبكى:”فسخت الخطوبة ولكن تعذبت كثيرا حتى عدنا مرة أخرى وتم الزواج بعدها ومن ساعتها حماتى تيجى عندى وتحصل مشاكل كتير وترجع تمشى وتقطع الأخبار خالص مترفعش سماعة تليفون ولا حتى ترد على مكالماتى”.
اكملت سماح وقالت:” بعد كل المشاكل لاقيت جوزى جاى يقول امى هتعيش معايا على طول اتفاجئت وقولتله دى بتكرهنى قال أنا مفيش عندى حل تانى قولتله لا يإما أنا يإما هى قالى روحى المحكمة تطلقك وأمى هتقعد فى الشقة،لجأت لمحامى ورفعت طلاق للضرر.
وقبلت المحكمة الدعوى ولم تصدر حكمها حتى الآن.
