من أروقة محاكم الأسرة..سيدة فى دعوى الخلع” كل ما أطلب منه حاجة يقول مش ملزم”

كتب -أسماء سرور

” كل ما أطلب منه أى حاجة فى البيت يرد يقولى أنه مش ملزم حتى فى الحاجات الأساسية”، هكذا بدأت سهى 26 سنة كلامها أمام محكمة الأسرة ياترى إية القصة؟

زميل العمل

وقفت سهى أمام محكمة الأسرة وقالت:” أنا متجوزة من سنتين من زميلى، كان بيحبنى وطلب يتجوزنى أكتر من مرة ولكن كنت برفض بسبب إنى مكنتش مرتاحة ليه،اتخطبت فترة لواحد زميلنا تانى وقعدنا مخطوبين 6 شهور ولكن محصلش نصيب، وهو اتقدم ووافقت عليه”.

وتابعت سهى:” أثناء الإتفاق كان كل ما نقول دة على العريس يقول أنه لسه فى أول حياته ولكن أهلى هيساعدونى ووقت الجواز أنا كنت خلصت جهازى وهو مكنش كمل وطلب منى أساعده حتى نتجوز وبعد الجواز هيسد كل الفلوس ودى كانت غلطة عمرى إنى وافقت أساعده وفعلا تم الجواز”.

مسئوليات البيت

وأكملت سهى وقالت:” يوم ما وافقت أساعده وكانت بداية سلسلة التنازلات اللى عمرها ما هتنتهى،الفلوس اللى استلفها قال مفيش ومش هقدر أسدها وإحنا خلاص بقينا واحد،عديت الموقف ولكن طلب منى نقسم مصروف البيت لأن مرتبنا زى بعض وافقت قولت عشان البيت يمشى لحد ما ولدت بنتى اللى كانت محتاحة لبن صناعى”.

وأضافت سهى:” كل ما كنت أقوله البنت محتاحة لبن صناعى يقولى مش ملزم، لما أقوله محتاجة دكتور يقول مش ملزم اكشفى انتى،احتاج علاج أو اى حاجة تخص البنت يقول مش ملزم لحد ما بقيت أنا مسئولة عن كل شئ وهو ملزم بس بالرفاهيه ببتاعته والسجاير،تعبت وفاض بيا طلبت الطلاق رفض بسبب المصاريف ولجأت للخلع.

قبلت المحكمة الدعوى ولم تصدر حكمها حتى الآن.