الغدا النهاردة..سندوتشات كبدة وسجق زي العربيات

كتب -أسماء سرور

تجذب سندوتشات الكبدة والسجق الكثير من الناس بسبب رائحته وطعمها اللذيذ ومذاقها الرائع.

يمكنك تحضير سندوتشات السجق والكبدة فى المنزل بكل سهولة وبطعم لذيذ وطريقة مضمونة ونظيفة وتقديمها مع البطاطس والمخلل.

يقدم لك مطبخ مولاتى طريقة تحضير سندوتشات كبدة وسجق زى العربيات كالآتي:

طريقة عمل الكبدة

½ ك كبدة

ثوم

فلفل حامى

عصير ليمون

توابل(ملح -فلفل أسود -كمون)

طريقة التحضير

تبلى الكبدة بالثوم ووعصير الليمون والتوابل لمدة نصف ساعة.

ضعى طاسة على النار فيها ¼ كوب زيت ثم انزلى بالكبدة على نار عالية وشوحيها ثم انزلى بالفلفل الحامى.

اصنعى حفرة فى وسط الكبدة ثم انزلى بالثوم المفروم وقلبيه مع الكبدة لمدة خمس دقائق واطفى النار.

اصنعى السندوتشات بالكبدة ساخنة بالصوص الخاص بها.

طريقة تحضير السجق

المكونات

½ ك سجق

بصل

ثوم

طماطم

فلفل

صلصة

توابل( ملح -فلفل أسود -كمون)

طريقة التحضير

قطعى السجق على حسب الرغبة ثم شوحيه فى طاسة بملعقتين زيت حتى يتغير لونه.

ارفعى السجق من الطاسة ثم انزلى بالبصل المقطع وشوحيه وبعدها انزلى بالثوم وقلبيه وبعدها انزلى بالطماطم والفلفل والصلصة والتوابل ثم انزلى بالسجق مرة اخرى واتركيهم يتجانسوا معا.

ضعى السجق فى السندوتشات مع المخلل وسلطة الطحينة.