سيدة تطلب الخلع بسبب”أخت زوجها”
كتب-أسماء سرور
رفعت شيماء دعوى خلع على زوجها بعد زواج دام لثلاث سنوات فقط وقالت فى دعوى الخلع أن أخت زوجها هى السبب.. ياترى إية الحكاية.
زواج عن حب
وقفت شيماء أمام محكمة الأسرة وقالت”انا كنت بحب جوزى وكنت بدعى ربنا انه يمون ليا لأننا جيران وهو كمان كان بيحبنى لحد ما بعت أخته فى يوم تكلمنى أنه عاوز يتقدم ساعتها كنت هموت من الفرح وحسيت أن أخيرا الحياة ابتسمت ليا وفعلا اتقدم واتخطبنا ولكن اتفاجئت بكلام أخته عنى وهى المفروض زميلتى فى الدراسة وبتجمعنا صداقة.
أكملت شيماء وقالت”خطيبى ساعتها قال أنه أخته بتقول عنى أنى مرتبطة بواحد وازاى أوافق بيه ولكن أنا انكرت الكلام وقتها وواجهت أخته واتأكد من كذبها واتقفل الموضوع أن كل واحد فينا فى حاله، بدأنا التجهيز للفرح وهى بتتجاهلنى تماما ومفيش اى اتصال مابينا”.
مشاكل بيت العيلة
تابعت شيماء كلامها “تزوجنا وكان زوطى يحبنى ويظافع عنى ضد أى غلط لحد ما جاله عقد سفر بعد سنة من الزواج انا كنت خايفة أقوله يسافر وخايفة اضيع عليه الفرصة فى النهاية خد القرار بالسفر.
أضافت شيماء وقالت” بعد السفر تغير تماما معايا وبقى يسمع لأخته اللى مبطلتش كلام عنى بكل افتراء لدرجة أنه طلب منى أسيب الشقة واروح أقعد مع أهلى لحد ما ينزل وأنا عملت كدة ولكن المشاكل أستمرت وبقى دايما خناق ومشاكل معايا على أتفه الأسباب مما اضطرنى بطلب الطلاق ولكنه رفض وقال أول ما ينزل هيفكر فى الموضوع شعرت بالإهانة فتوجهت لطلب الخلع.
قبلت المحكمة الدعوى ولم تصدر حكمها حتى الٱن.
