هل تجاوزات الشات تعد خيانة؟..سيدة تسأل
كتب- سارة منصور
للعلاقة بين الجنسين حدود وقوانين حددتها الشريعة الإسلامية، وشددت عليها الأعراف، عند اتباعها سنقي أنفسنا الكثير من المشكلات.
تقول السيدة “س.م “:” أنا جوزى له بنت عم مطلقه من خمس سنين وكنت بتعامل معاها وبشوف البرائه فيها وبحبها من قلب، جوزى يعتبرها كأخت له واى قواضى له اى حاجه بيجرى لها لأن ملهاش اب ولا اخوات رجالة”.
وتضيف السيدة:” صدفة ببص عندى حب استطلاع افتح الرسائل لقيت طريقتها معاه غريبه مرقعه وكلام غريب ياعسل تقوله مبحبش الكلمه دى، يقولها اعملى فطار تقوله عندى كذا وكذا وتفسر الاكل بالسمنه البلدى والجبنه بزيت الزيتون وى وى يقولها معندناش كده تقوله انا عندى تعالى ونعملك”.
وتابعت: ” فيديو عمره بعتهوله يقولها عقبالك تقوله ونكون معاك يا فلان واسمه ف الشات كله باسمه الدلع انا مصدومه اعمل اى دلوقت التصرف ازاى مع العلم أهل جوزى لو حسوا هيفرحوا فيا ولو مش ف دماغه حاجه هيحطوها وكمان هو مش عايزاه يحس أن غرت ويمسكلى الموضوع ده لوى دراع، قولولي التصرف الحكيم اى وهل انا عندى حق ولا دى وساوس شيطان بس”.
نصيحة مولاتي
لكي الحق في القلق بالطبع، ولكن الحل الوحيد هو الاهتمام بزوجك وإشغاله عن أي باب أخر يحاوى جذب اهتمامه، والتجاهل ثم التجاهل لشكوكك حتى لا تحرقك وتحرق نيرانها الأسرة بالكامل.
