غدر الأحباب أبشع من ألف طعنة.. مشكلة وتحتاج لرد
كتب- سارة منصور
ربما تكون أكبر مشاق الدنيا في زوجة لا تعرف عن القناعة والرضا شيئا.. كحال الشاكية الاتية.
تقول السيدة “س.س ” :انا متجوزة بقالي ١٠ سنين جوزى راجل قمة في الاحترام و الرجولة و طول عمره اللى في جيبه مش ليه كله رايح لولاده و لبيته و عمره ما اخر عليا اي حاجة و طول عمره بيثق فيا و دايما كل ما بيكون معاه مبلغ يجبلي بيه دهب او يحطه ليا وديعة باسمي في البنك”.
وتضيف: “ربنا كان فاتحها عليه في شغل المقاولات جدا و بعد أزمة الكورونا ماجناش خطوه قدام بقالنا سنين في معاناه حصلتله خساير بالجملة و أزمات كتير جدا و كان عليه التزامات مع ناس مقدرش يوفيها و كان عليه شروط جزائية اذا مدفعهاش هيتسجن”.
وتستكمل: “اتفاجئت انه طلب مني فلوس الوديعة و الدهب و الفلوس اللي معايا تغطي الفلوس اللى مطلوبة منه بس طبعا انا رفضت لاني مكانش عندي استعداد اعيش في مستوي أقل انا وولادي رغم أن اهلي مقتدرين بس هما ذنبهم ايه أتقل عليهم”.
و تختم :”طبعا اتسجن و اول ما اتسجن مامته من الحزن اتوفت و اخواته من الورث سدوا الفلوس اللي عليه و خرج و بعتلي ورقتي و رافض يرجعلي تماما ..ارجعه ازاي”.
نصيحة مولاتي
منك لله وحسبنا الله ونعم الوكيل فيكي
