من مطبخ مولاتى..طاجن ورق عنب باللحم
يعد ورق العنب من أنواع المحاشى المطلوبة بشدة فيحبه الكببر والصغير ويكون حاضر بقوة فى العزائم والمناسبات، ما ورق العنب باللحم فهذا مزيج رائع ومذاق مميز .
يقدم لك «مطبخ مولاتي» أسهل طريقة لعمل طاجن ورق العنب باللحم:
المكونات
* ½كيلو ورق عنب.
*2بصلة كبيرة مقطعة
*½ كيلو أرز
*عصير طماطم
* خضرة مشكلة ( بقدونس – شبت – كزبرة خضراء )
* التوابل ( ملح – فلفل أسود – بهارات محشى – حبهان – مستكة – قرنفل ).
طريقة التحضير
* فى حلة صغيرة نضع ملعقتين زبدة كبير ثم ننزل باللحم المتبل بماء البصل والفلفل الأسود على نار عالية لتصدم من جميع الجهات ولا تنزل ماية .
* تأخذ لون أحمر نضيف مستكة وحبهان وورق لورا وملعقة صغيرة توابل لحمة ثم نضيف نصف كوب ماء مغلى لكى تستوى نص سوا .
* يغلى ورق العنب فى ماء وملح وعصير ليمون
* تقطع العناقيد ويرص فى صينية
* يتم تحضير رز الخلطة عن طريق حلة على النار بهاومعلقتين زيت كبيرة وننزل بالبصل يتشوح وبعدها نضيف التوابل لحد ما تطلع ريحتها ثم ننزل بعصير الطماطم لحد ما تتسبك .
* نقطع الخضرة تقطيع ناعم ونضيفها على الأرز المغسول .
* نضيف التسبيكة على الأرز ونقلبها جيدا .
* نضع فى أسفل الطاجن شرائح الطماطم والبصل ثم نرص اللحم .
* نبدإ بلف ورق العنب فوق اللحم فى الطاجن ونرصه جيدا .
* يضاف 2 كوب شوبة كبير فيه ملعقة صلصة ودبس رمان .
* نتركه يغلى على النار لمدة عشر دقائق ثم نهدى النار لمدة نصف ساعة مع لف الطاجن كل شويه .
طريقة التقديم
يقدم طاجن ورق العنب مع شوربة وملوخية .
