السحر وخراب البيوت..هل نتقي شر الدجالين؟

كتب- سارة منصور

هل يمكن أن تكون المآسي التي نراها في حياتنا بسبب سحر أو أذى دفع به شيطان متلصص على حياتنا، هل يمكن أن تكون عصا القدر بيد شخص يدفع بها لأذى أحدهم بحسب أهواء النفوس؟.

تقول السيدة” س.ي “:”عاوزة اخد رايكم في حاجه عملتها من فترة وخايفة من حساب ربنا انا بنت متعلمة وعلى قدر من الجمال وبشتغل في وظيفة كويسه الحمدلله ، اتأخرت في الجواز لحد لما وصل سني 34 سنة وبعدها الحمدلله اتقدملي شخص اكبر مني بعشر سنين وهو شخص مناسب ووافقت واتفقنا واتجوزنا”.

وتضيف:” من بعد مادخلت بيته وبدات الامور تبقي مخيفة من مشاكل وخلافات بينا وهو حصل معاه تحقيق واتفصل من وظيفته وانا سبت شغلي لاني بدات اتعب جدا ومكنش فيه دكتور قادر يشخص حالتي لدرجة ان اخر دكتور قال لزوجي ان عندي تليف في الرحم ولابد من استأصاله انا رفضت طبعا والخلاف بينا ذاد لدرجة اننا اطلقنا بعد سنه ونص من جواز “.

وتستكمل: ” كنت بتكلم مع صديقة قريبة ليا فقالتلي ان اللي انا فيه ده اكيد مش طبيعي ولازم اشوف شيخ من اللي بيعرفوا وكدا ربما يكون سبب مشاكلي سحر او حسد او حاجه زي كدا وانا الي حد ما ملتزمة ومش بقتنع بالكلام ده ، المهم انها اقنعتني “.

وتتابع: “فعلا اخدت رقم شيخ هى كانت اتعاملت معاه قبل كدا بسبب مشاكل خاصه بيها هى وجوزها وفعلا الحل كان على ايده وانا كنت عارفه بالموضوع فى وقتها “.

وقالت:” كلمت الشيخ وحكتله المشكله من اول مابدأت وبعدها طلب منى اسمى واسم امى وكشف عليا روحانى فلكى من غير مانتقابل وبعدها قالى ان سبب مشكلتى ان معمول سحر ليا بقاله ٨ سنين والسحر ده كان بالتعطيل عن الجواز والخراب والمرض والنكد ومعمول ليا علي حاجه من ملابسي وشرباه”.

وتستكمل: ” اتفقت معاه علي الحل والعلاج طلب مني احوله مبلغ مش كبير وقالى ان العلاج بالكامل روحاني فلكي بالقران من غير منتقابل وان شاء الله بعد ٥٠ يوم من العلاج المشاكل دى هتنتهي تماما وفعلا كلامه حصل وطلبت منه اعرف مين اللي عمل كدا وخلاني حلمت بيها وطلعت حد من اهل بابا”.

وتقول:””من بعد المدة اللي قالي عليها بدات الامور تتحسن، وانا صحيآ حسيت اني كنت بتلكك ورجعت لزوجي وبيتي وربنا رزقني بيونس الحمدلله بعدها علي طول وزوجي ربنا رزقه بشغل افضل وانا الحمدلله حياتى استقرت تمامًا”.

وتختتم ” كنت بتكلم مع حد من اهلي وبحكيله علي التجربه الاي عشتها قالي ان ده حرام وان ده شرك بالله واني كفرت بما انزل علي محمد مع العلم ان من كتر خوفي لجأت لدار الافتاء وسألتهم وقالولي ليس عليكي حرج واني كنت مضطره لذلك لحل مسأله علي يد شخص مختص فيها.. أفيدوني بالله عليكم” .

رد مولاتي

سأجيب عن مشكلتك المحيرة برد لا يعبر إلا عني أو عن شخصي، لقد أوقعت مشكلات حياتك المتلاحقة في ذنب كبير، أدعو الله أن يعفو عنك منه، فالله غفور رحيم.

أدرك جيدا أن سر السحر متوراث من قديم الزمان، ولكن ملكته ليست بيد أشخاص طامعين في جنيهات لأجل حل مشاكل، فلو أراد الساحر أموال قارون لجلبها لنفسها، وكل ما يحدث حولنا يدخل في إطار الجدل والشعوذة وليست لها من الدين أو العلم شئ.