حكاية الجواز العرفي للفنانة عايدة رياض من رجل متزوج: كنا بنستخبى لما نخرج

كتب- ندى أشرف

بعد غياب عن الأضواء تصدرت الفنانة عايدة رياض تريند جوجل وحديث جمهور السوشيال ميديا الساعات الماضية بعد تصريحات عن زواجها مرة اخرى وهى بعمر السبعين.

وحول إمكانية زواجها رغم تخطيها السبعين من العمر، قالت عايدة رياض: “بالتأكيد أنا مش مجنونة علشان أقول أني مستعدة للزواج في السن ده، ولكن اللى حصل إني قلت فعلاً إن كل واحد حر، وده ردًا على سؤال حول إمكانية زواجي في سن كبير فقلت لا طبعًا”.

وتابعت: ” ولكن بعدها أما اتقالى في فلانة عملت كده، فقلت كل واحد حر يعمل اللى هو عايزه، وبعدها أما اتقالى طب ممكن تعملي كده، فبنهزر وقلت كل شيء نصيب”.

واستكملت : “صحيت بقى على ناس كتير بتكلمني من أصدقائى، أكتر واحد ضحكني صديق ليا قالى ها تتجوزي يا عايدة طب أنا أولي، وهو ما تسبب في ضحكي بصورة كبيرة”.

واختتمت: «اتجوزت مرة عرفي، والجواز استمر لمدة 10 سنين، وكنا بنستخبى لما نخرج هو كان إنسان بسيط جدا وكنت بحبه قبل ما اتجوز زمان لم رجعت له هو كان متجوز وعنده أولاد وكنت زوجة تانية».