ابنة شيرين عبد الوهاب تدخل عالم الغناء.. كواليس اغنيتها ” قالك نسيني” مع والدتها
تصدرت المطربة شيرين عبد الوهاب، الساعات الماضية تريند جوجل بعد ظهورها وحديثها عن كواليس أغنية “قالك نسيني” التي شاركت فيها ابنتها “هنا” كورال.
وكشفت شيرين عبد الوهاب عن حقيقة دخول ابنتها هنا مجال الغناء وقالت: “أنا كنت عند الموزع توما صاحبي وحبيبي وهو سمع لي الأغنية وأنا عنده عجبتني جدا وقلت له أنا مسافرة وياريت تشتغل في التوزيع وأخدنا الطبقة”.
وتابعت شيرين خلال الفيديو: “وبعدين رجعت كانت هنا معايا لأني لما بنزل بالليل مش بحب أسيبها لوحدها وهي كانت ساعتها قاعدة معايا ومريم كانت قاعدة مع باباها، فأخدتها معايا وكانت كسلانة قلت لها فوقي إنتي هتغني معايا”.
واستكملت شيرين: “هي إديت للأغنية دفا والنسخة الجديدة اللي هتنزل على اليوتيوب هنعلي صوتها شوية لأني حابه أسمع صوتها أكتر مني”.
واختتمت شيرين: “هنا جميلة جدا ومريم كمان وبيحبوا الفن ومجتهدين ورافعين راسي وأنا بحبهم أوي”.
