سيدة فى دعوى الطلاق: “بيحب أهله اكتر من ولاده”

كتب ـ أسماء سرور

رفعت دعاء دعوى طلاق للضرر على زوجها فى محكمة الأسرة ببنها بسبب “عدم خوف زوجها على أولاده مثل حبه لاهله”.

زواج الاقارب

وقفت دعاء أمام أعضاء حل النزاع الأسرى وقالت “تقدم لى ابن خالتى ووافقت عليه قولت أنه هيصونى وعمره ما هيقصر معايا وهو كان بيرسم الحب طول فترة الخطوبة لدرجة أن قولت خلاص بيعشقنى لحد ما تم الزواج وساعتها خالتى انقلبت عليا وقاطعت امى وكانت غيرانة عليه منى جدا”.

أضافت السيدة”قولت مليش دعوة ياللى بينها وبين امى انا عاوزة اعيش ولكن كانت بتسخنه عليا وعمرها ما كانت تخليه يكشف عليا لو تعبت وحتى فى الحمل تابعت 3 مرات بس وهى كل ما يجعلها صداع يكشف عليها وكانت بتتعمد تعمل دة.

حب الأهل

تابعت الزوجة “شوفت قسوة من خالتى عمرى ما كنت اتخيلها لحد ما ابنى اتكسر واتجبس غلط ساعتها اتحجزت فى المستشفى خالتى مجتش ولا مرة تزور ابنى فى وسط العمليات اللى كنت بعملها حتى بنتى الصغيرة بعتتها تعيش مع امى “.

أكملت دعاء”حماتى رفضت حتى أن يصرف على ابنه فى المستشفى وكنت مكسوفة من اخواتى هما اللى اتحملوا أكلى وشربى وعلاج ابنى لحد ما خرج عملنا قاعدة واتحكم عليهم بالمصاريف وانا طلبت الطلاق رفض وطلب الابراء لجأت للمحكمة عشان اخد حقى.

حكمت المحكمة بالطلاق طلقة بائنة وإلزام الزوج بكافة النفقات.