ياسمين رئيس: فرحي التاني كان خطوة ناضجة وقررت أحافظ على خصوصيته (فيديو)

كتب : أحمد سامي 

أعربت الفنانة ياسمين رئيس عن سعادتها بإقامة حفل زفافها الثاني، مؤكدة أن التجربة كانت مختلفة تمامًا عن زواجها الأول.

وقالت: “عملت فرح رغم إنه تاني زواج ليَّ، حسيت إني كنت غلطانة لما ما عملتش فرح في الزواج الأول. وقتها كنت رافضة الفكرة تمامًا لأني كنت متمردة بدون سبب، وعايزة ألبس طرحة وبدل الفستان بنطلون جينز، ده كان تمرد المراهقة. لكن في الزواج التاني حسيت إني كبرت وأفكاري اختلفت. استمتعت بكل تفاصيل الفرح ووجود أهلي وأصحابي جنبي، وانبسطت جدًا يوم الحنة.”

أوضحت ياسمين أنها اختارت أن يكون الحفل خاصًا بعيدًا عن الأضواء والجماهير، مشددة على أهمية الحفاظ على خصوصيتها.

وقالت: “قررت إن الفرح بتاعي يبقى ليَّ أنا وأصحابي وأقاربي فقط، ما يكونش للجماهير، عشان كده منعت التصوير، وكل الناس احترمت رغبتي. اتصورنا صور عائلية خاصة بينا. الجمهور يشاركنا فرحتنا لما يعرف إننا اتجوزنا بس، لكن مش لازم يكون موجود معانا في الفرح. الحفاظ على الخصوصية بيمنع المشاكل.”

شاهد الفيديو..