“البيه عاوزنى اشتغل ويقعد هو فى البيت”.تفاصيل دعوى طلاق فى المحكمة

كتب -أسماء سرور

بدأت السيدة”رنا.30″ بالصراخ فى محكمة الأسرة وقالت “البيه عاوزنى اشتغل واطفح الدم وانا مصدقت ارتاح وهو عاوز يفضل مرتاح فى البيت” ياترى إية الحكاية؟

طلب الزواج

بدأت رنا المصدومة فى زوجها كلامها وقالت” أنا كنت أرملة وعندى طفلين وكنت باخد معاش محترم وعايشة مع عيالى والحالة كانت كويسة ومرتاحة البال كنت راضية بنصيبى وقولت خلاص لحد ما ظهر جوزى كنت بخلص ورق وهو ووقف معايا فيه وكان ليه معارف خلصه بسرعة ومن هنا بدأت الحكاية،بدأ يتكلم معايا عن حياته اد ايه صعبة وأن طليقته متطلبة وكان هو بيعمل كل اللى عليه وهى مش قنوعة وقعد يحكى حكاية طويلة وأنه عاوز يستقر ويتجوز وفعلا صدقته واتخطبنا وقالى هيقعد معايا فى شقتى لأن مراته خدت الشقة عشان حاضنة وانا كنت متخدرة بالكلام الحلو اللى بيقوله ووافقت”.

من يعول من؟

بدأت رنا بالبكاء وقالت” اتجوزنا فعلا فى شقتى وانا كان معايا فلوس وكنت بصرف لحد ما الفلوس خلصت وطلبت منه فلوس قال عنده مشاكل فى الشغل لانه مفهمنى أنه شغال شغل حر ،بدأت استلف عشان اصرف على البيت وعلى عيالى لحد ما قررت انزل اشتغل وعدى شهر فى التانى والبيه قاعد فى البيت عاوزنى انا اصرف عليه لحد ما مرت سنة وكل دة يقولى ظروف،طلبت الطلاق قال ادينى فلوس وأطلق رفعت عليه قضية طلاق للضرر”.

وحكمت المحكمة بالطلاق طلقة بائنة وإلزام الزوج بكافة النفقات.