«الحب ولع في الدرة»..سيدة تخلع زوجها بسبب عدم غيرته عليها

كتب -أسماء سرور

رفعت السيدة “زينب.م “25 سنة دعوى خلع على زوجها بسبب عدم غيرته عليها .

وقفت زينب أمام محكمة الأسرة وقالت:” أنا متحوزة من 3 سنين ومش مصدقة فعلا أن دى أخلاق جوزى ،أنا اتجوزت جوزى مكنش معاه فلوس كتير ورضيت وعيشت معاه قولت دة نصيبى وكويس أنه راجل محترم رغم إنى جميلة جدا بشهادة الكل”.

وأضافت زينب :”الحالة زنقت أوى وللأسف الشديداضطريت أنزل أشتغل عشان أساعد واتسلى خاصة أن لسه مفيش أطفال ومش عاوزة أضغط عليه فى مصاريف كشف ودكاترة،نزلت أشتغل لاقيت صاحب الشغل بيعاكسنى قولت هسيب الشغل،جوزى رفض قالى إنى باخد فلوس أكتر منه غير الإكراميات من صاحب الشغل، فهمته أن الراجل مش كويس اتفاجئت بيقول “مشى أمورك معاه” لحد ما الحالة تتحسن أتصدمت فيه فعلا وفى أخلاقه قولتله دة بدل ما تقول سيبى الشغل،قال مفيش قدامنا حل غير كدة،طلبت الطلاق قال مش معايا فلوس أطلق،اضطريت أخلعه”.

وحكمت المحكمة بالخلع والطلاق طلقة بائنة.