الفتيات في خطر.. مطالبات بإلغاء تطبيق ” اوبر” بعد حوادث الاعتداء المتكررة
كتب- رقية عيسى
حالة من الجدل اثارتها الحادثة الأخيرة مع فتاة شابه أخرى مع احد سائقي ” اوبر”، بمدينة نصر، تدعى نبيلة عوض، بعد أن حاول السائق الإعتداء اليها وتهديدها بكاتر ، وذلك بعد الحادثة الأخير أيضا مع الشابه الراحلة حبيبة الشماع ” فتاة التجمع”، والتي توفت بعد قفزها من عربية اوبر بعد ان حاول خطفها.
القصة الكاملة لحادثة فتاة اوبر بمدينة نصر
وروت رغدة هشام صديقة المجني عليها القصة كاملة، قائلة: ” صاحبتي اتخطفت من يومين في سيارة أوبر والراجل السواق كان عايز يعتدي عليها، لكن بعد مقاومة منها وبعد إصابتها سابها في الصحراء وجرى وجالها اتنين رجالة بالصدفة لحقوها وأنقذوها وتم نقلها للمستشفى لتلقي العلاج”.
وتابعت: “أول امبارح صاحبتى أختها طلبت لها رحلة في أوبر من كمبوند في التجمع، وصاحبتي نزلت وركبت العربية ومخدتش بالها أنها عربية تانية غير اللي على التطبيق، وطلع أن السائقين متفقين مع بعض واحد اسمه حسن يجيله الطلبات وبعدها يبعت عربية تانية مش موجودة في التطبيق عشان ياخدوا الفلوس ويعملوا اللي عايزينه مع البنت”.
وأكملت صديقة فتاة أوبر: “العربية ملهاش أي أساس في شركة أوبر عشان طبعا ياخد الفلوس في جيبه ويعمل اللى عايزه مع البنت، لكن هي فين الشركة من اللي بيحصل، وفين الآمان بعد الوقائع دي، صاحبتي أول ما ركبت حصل معاها الحوار اللي مكملش 10 دقائق وبعدها السائق توقف بالسيارة وقام بالاعتداء عليها الا انها نجحت في انقاذ نفسها”.
مطالبات بإلغاء تطبيق اوبر
وعلى الفور جاءت مطالبات من الأسر واولياء الامور وايضا رواد مواقع التواصل الاجتماعي بإلغاء تطبيق اوبر من التليفونات المحمولة، والتحقيق مع الشركة بسبب كثرة جرائم السائقين مع الفتيات، رافعين شعار ” بناتنا في خطر”.
