حكاية فاطمة.. ست الهوانم التي حمت بنت من زواج بالإجبار وخلّتها تبقى دكتورة (فيديو)

تقديم : مروة يونس 

في أولى حلقات برنامج “حكايات ستات” بنقابل واحدة من أنقى وأقوى سيدات مصر… ست الهوانم فاطمة..فاطمة ست بسيطة بتبيع الخبز، لكن عندها قلب كبير وعقل راجح، وعمرها ما اتخلّت عن جيرانها أو وقفت تتفرج على الظلم.

كانت أم لثلاثة أولاد، ومع ذلك دايمًا بتهتم بمشاكل الناس، وبتحلّها بحكمة أكبر من ألف راجل.

وفي يوم جات لها بنت اسمها “يمنى”، كانت بتعيط وبتقول إن أهلها هيجبروها تسيب التعليم وتتجوز راجل كبير في السن.

فاطمة خدت موقف… وراحت تكلم أمها، ونصحتها بكلام من القلب.. النتيجة؟ يمنى كملت تعليمها وبقت دكتورة، ولسه لحد النهاردة بتزور فاطمة كل عيد.

الحكاية دي مش بس عن فاطمة… دي حكاية كل ست قوية مش بتسمح للمجتمع يكسّرها، وعارفة قيمتها كويس.

شاهد الفيديو..