“خطيبى عاوز يسافر وطلب الذهب “..فتاة تشتكي

كتب -أسماء سرور

أرسلت الفتاة خ.ك إلى مولاتى مشكلتها وقالت أنا فتاة أبلغ من العمر 22 سنة وخطيبى 25 مخطوبين بقالنا سنتين وفرحنا اخر السنة فجأة بدون مقدمات خطيبى عاوز يسافر دولة أوربية .

الذهب

وأضافت الفتاة أنا بحب خطيبى جدا خاصة ان كل ذكرياتى معاه ومتأكدة أنه بيحبنى ولكن “أتلم عليه مجموعة من صحابة وعاوزين يسافروا هجرة غير شرعية لبلد اوروبى وبيقول الدنيا هتضحك لينا أخيرا وطلب منى الشبكة ” رفضت طبعا وعملنا قاعدة وهو ساعتها قال أنه اتصدم فيا .

واكملت الفتاة أنا كنت عاوزة يقعد مش فارق معايا الدهب بس هو كدة فاكر إنى بفكر فى الدهب وبس وقرر يفسخ الخطوبة ويسيبنى وبيساومنى إما الدهب ويسافر وأستناه لحد ما يرجع أو يفسخ الخطوبة ومعرفش عنه حاجة .

ردت الإستشارية النفسية شيماء مصطفى افسخى الخطوبة بنفسك وأرسلى الذهب له وقولى له اتمنى لك التوفيق فى حياة لست فيها.

طريق الهلاك

وأضافت مصطفى خطيبك يساومك لأنه رأى مصلحته فى السفر حتى لو ترك الكل خلفه ،هو لن يتذكرك مجرد ما أن يصل اوروبا لأنه يجرى وراء سراب سواء وصل ام لم يصل هو يسير فى طريق الموت .

العوض

وأستكملت مصطفى اتركيه واطلبى من الله أن يعوضك بمن هو خير لك وأن تبدأى حياة جديدة مع شخص يحبك ويترك العالم كله لأجلك .