زوجة تخلع زوجها لسبب غريب..إيه الحكاية؟
كتب -أسماء سرور
رفعت “ريم .م “28 سنة دعوى خلع على زوجها بسبب طلبه طلاقها والزواج عرفى مرة اخرى.
وقفت ريم أمام محكمة الأسرة وقالت:” إنا متجوزة من خمس سنين جوزى حاله على اده اوى وظروفنا صعبة وكنا عايشين بالسلف والدين وأبويا كان اللى بيقدر عليه بيجيبه ليا فى المواسم وكان بيقول طالما أخلاقه كويسة نشيله يابنتى وكان بيعامله زى ابنه.
وأضافت ريم:” كان جوزى بيشتغل يوم والحال يقف عشرة وكنا بنمشى بالموجود وخلاص وعندى ولد واحد يعتبر أهلى المتكفلين بمصاريفه كلها ،عدت الأيام وبابا تعب وروحت قعدت مع أهلى 3 شهور كان دايما يجى عندنا وياكل ويمشى وكان بيقول بيطمن على بابا ،مرت الأيام وبابا توفى وبعد الوفاة بشهر لاقيته بيفاتحنى فى موضوع غريب لما عرف أن بابا معاشه كبير قالى إيه رأيك نطلق ونتجوز تانى عرفى قدام أهلك عشان تاخدى معاش ثابت هيغير حياتنا ونعيش إبننا حياة أحسن ،أنا اتصدمت من طلبه وراجعته فيه لاقيته مصمم ،قررت أرفع خلع وأسيب الشخص دة للأبد”.
وقبلت المحكمة الدعوى ولم تصدر حكمها حتى الآن.
