زوجي عقيم وحماتي طالبة طلب غريب.. مشكلة سيدة من بريد مولاتي

كتب- ندى الجبالي

ورد إلى بريد مولاتي رسالة تلتمس بها الراسلة النصح والدعاء فتقول:

” انا متزوجه ليه 10 سنين ربنا لسه مأذنش بالخلفه السبب من زوجي امبارح قعدت احكي معاه وابكي عشان أمه حسبي الله ونعم الوكيل ظلماني وعزلت منها وبرضو مش سيباني وتسلط في جوزي ودلوقتي مطلعه وتقول ل جوزي السبب من مراتك انتا لو اتجوزت هتخلف وجوزي قالها اذا كانت الدكاتره قالت السبب مني يبقي ازاي منها هيا المهم نفسها تخلي جوزي يطلقني.

وتابعت:”لما قعدت وجوزي قالي مالك وقعدت احكي ووجعته بكلام كتير انتا بارد مش بتحس اختك قبل كده كلمتك من تلفوني واتا فوني بيسجل وقالتلك مراتك معاها العيال رايح تجيبها لما كنت غضبانه وامك دلوقتي بدأت تعاير فيا وقعدت اخبط معاه كلام كتير قالي كله عند ربنا وانتي ال مش عايزاني أطلقت والله انا هكون مبسوط لو خلتيني اطلقك عشان بحبك ونفسي اشوف معاكي عيال وقاعده مبسوطة”.

وقالت:”انا زعلت من كلامه هو كده مش بيحبني ومش متمسك بيا صح، وقالي انا لو تعلمي بيا لما بشوف اب شايل ابنه قلبي بيتفطر قد ايه، فبلاش تقولي اني بارد ومش بحس وانا كنت منهارة ولطمت علي خدي”.

واردفت:”جوزي صعبان عليه هو وقالي انتي المفروض تفرحي ان الحمدلله السبب مش منك وسيبي امي تقول ال تقوله ربنا هو ال هيحاسبها”.

رد مولاتي

عزيزتي، لا يوجد على وجه الأرض من يستطيع أن يجبرك بأن تتخلي عن أمومتك، ولكن لا تجرحي أحد حرم من الإنجاب بكلماتك.

عقلك الدفين استغل الفرصة الغاضبة من كلمات الحما لكي يخرج كل ما في قلبك، وتبرزي مدى تضحياتك أعانك الله عليها، فإن أردتي الرحيل، فأرحلي بصمت ووداع يليق بتقديرك لزوجك وإن أردتي البقاء فأبقي وعششي على منزلك بالحب.