سر جمال ورشاقة الراقصة دينا رغم كبر سنها.. روتين صادم
كتب- ندى أشرف
أثارت الفنانة دينا، الجدل على منصات السوشيال ميديا وترند جوجل الساعات الماضية بعد تصريحاتها الأخيرة حول كيفية الحفاظ على جمالها وصحتها رغم تقدم عمرها.
وتساءل الجمهور عن كيفية حفاظ دينا على رشاقتها وجمالها وظهورها ببشرة لامعة لا يبدو عليها علامات تقدم العمر، وبكل تواضع ردت الفنانة والراقصة دينا على اسئلة الجمهور.
واليكم روتين الراقصة دينا للحفاظ على رشاقتها وجمالها.
تعتمد على نظام الصيام المتقطع من وهى صغيرة.
تأكل وجبة فقط،
تمارس الرقص بشكل مستمر،
اعمل على ازالة الميكاج بالكامل أثناء ذهابي للنوم.
تضع كريم بالنهار وبالليل بشكل مستمر دون انقطاع.
تلعب الرياضية بشكل مستمر.
وقالت دينا: «أحيانا بيقولوا حاجات تضحك، يقولوا أنتي كبرتي يا دنيا، هو انتي مبيبانش عليكي الكبر ليه؟ مببقاش فاهمة هو أنا كبرت ولا مبيبانش عليا الكبر، أنا مبتأثرش أوي عشان مضايقش اللي بيحبوني».
وتابعت: «أنا كبرت بجد بس مبيبانش عليا الكبر بجد، لأن من وأنا عندي 15 سنة لحد النهاردة عمري ما نمت وفي وشي مكياج، ولازم أحط كريم بليل وكريم بالنهار، وعمري ما استحميت ومحطتش كريم لجسمي، ولازم ألعب رياضة كل يوم، أو أرقص».
وأستكملت: «مباكلش غير مرة في اليوم طول عمري، الصيام المتقطع اللي طالعين فيه دلوقتي أنا بعمله من وأنا 15 سنة، أنا مبحبش الأكل أوي، بحب نعمة ربنا، وكل أصناف الاكل إنما مفيش حاجة عندي أهم من نفسي، بالتالي بحافظ على نفسي إني أوصل لين معين وأنا محافظة على نفسي».
واختتمت: «مبزعلش لما بيقولوا كبرتي لأني دي الحقيقة ومش متضايقة،يا رب كلكوا توصلوا لسني وتبقوا زيي».
