سيدة تخلع زوجها ..تقول: “بيطلب حق كل حاجة حتى..الملح “

كتب -أسماء سرور

رفعت السيدة “فريدة .س” 32 سنة على زوجها دعوى خلع بسبب بخله وعدم صرفه عليها ومطالبتها بكل مصاريف البيت .

وقفت السيدة فريدة وقالت:” من يوم ما اتجوزت وأنا تعبانة فى حياتى معاه سواء هو أو أهله اللى بيشجعوه يعاملنى وحش غضبت بعد أسبوعين جواز بسبب سوء المعاملة ولكن أهلى رجعونى أعيش خدامه ليه ولأهله”.

وأضافت:” وجدت نفسى أخدم كل المنزل فطلبت أنزل أشتغل قال “هتنزلى تشتغلى تشيلى كل المصاريف ” وبالفعل هربا من جحيم بيت العيلة خرجت أشتغل وبقالى عشر سنين شغاله مش عارفة أحوش جنيه أتسند عليه عشان شايله مصاريف أبنى الوحيد “.

كيس الملح

وأكملت:” ما جعلنى أقول كفاية لحد كدة انه كان عند والدته والملح خلص طلبت منه كيس ملح قال نزلى حسابه فكرت بيهزر طلع بيفتح محفظتى ياخد 2 جنيه فعلا للملح وهذا ما جعلنى أفقد الأمل فى الحياة مع هذا الشخص “.

وقبلت المحكمة الدعوى ولم تصدر حكمها حتى الآن.