سيدة ترفع خلع بسبب “التدخين”..تفاصيل

كتب -أسماء سرور

رفعت السيدة” ندا. أ ” 30 سنة دعوى خلع على زوجها بسبب إصابتها بالحساسية وعدم تحملها تدخين زوجها.

وقفت ندا أمام محكمة الأسرة تطلب الخلع وقالت:” إنا متزوجة من 5 سنين وعندى طفلين عندى حساسية مزمنة وفى طفل كمان عنده جوزى مكنش مدخن ولا كان بيطيق السجاير حتى لحد ما زادت المشاكل والضغوط حوالينا واتعرف على ناس جديدة فى الشغل أصبحت تصرفاته غريبة.

وأضافت ندا :”جوزى بدأ التدخين من سنة وطلبت أكتر من مرة أنه يوقف تدخين حفاظا على صحتى وصحة أولاده قال ماشى وطبعا محاولش حتى يبطل ،غضبت أكتر من مرة بسبب تعب الولد الصغير ولكن هو لم يستجيب بالعكس بدأت ألاحظ تصرفات غريبة عليه زى أنه يسهر لحد أوقات متأخرة وبدأت أشك أنه بدأ يشرب مخدرات هو أنكر ولكن كان واضح عليه ،عملت قاعدة وطلبت منه يرجع لنظام حياتنا وإنى عاوزة أكمل حياتى معاه فى استقرار ولكن هو رفض وقال أنا حر طلبت الطلاق رفض ،لجأت للخلع”.

وقبلت المحكمة الدعوى ولم تصدر حكمها حتى الآن.