سيدة تشتكي أمام محكمة الأسرة: نصب عليا مرتين 

كتب- ندى الجبالي

رفعت أمال دعوى خلع أمام محكمة الأسرة، بسبب خيانته لها ماليًا وغدره عقب كل المواقف التي وقفت بجانبه فيها ولم تتخلى عنه.

تروي آمال أمام خبراء محكمة الأسرة، “أنا متجوزة من 25 سنة، خلفت من جوزي ولد واحد بس، بعد الجواز عرفت أن جوزي كان متجوز قبل كدة ومراته رافعة عليه قضية خلع، وقتها اتصدمت بس متكلمتش عشان ميحصلش مشاكل”.

وتضيف”استحمله منه كتير ومكنتش عاوزة اخرب بيتي وخصوصا لأن معايا ابن منه، لكن لما عرفت إنه لسه بيكلم مراته القديمة وبعد كدة عايز يرجعلها تاني، سيبته وبعدها طلقني ابني كان عنده 4 سنين لما اتطلقت”.

وتابعت “طلب الرجوع بعد 15 سنة واقفت، معاه لما قالي إنه عايز يرجع عشان خاطر ابنه وافقت قال معنديش عفش ولا شقة ولا أي حاجة ساعدته أنا وأمي اديناله فلوس ووضبنا الشقة، وقفت بما يرضي الله معاه وهو متقاش ربنا فيا، أنا اللي جيت البيت بفلوسي انا وأمي وقلت معلش عشان خاطر ابني”.

وتختتم “اتفاجئت انه اتجوز واحدة تانيه، وكتبلها الشقة اللي دفعنا نص تمنها انا وأمس، عشان كده رحت محكمة الأسرة وقررت أرفع دعوى خلع”.