سيدة تشتكي من حماتها بسبب موقف..«مولاتي» يرد عليها
كتب-سارة منصور
أرسلت س.م رسالة إلى موقع مولاتي لطلب الرد والمشورة من الخبراء، جاء فيها:”حماتي عزمتنا انهارده و رحت انا وجوزي وعيالي و اخت جوزي وعيالها وجوزها و بس .. وهي مقالتش لباقي سلايفي يجو عشان متخانقه معاهم .
“المهم هي دايما تقول عليا طيبة اوي و بتاع .. جينا عند الاكل كانت عامله بطه و فراخ و اكل تاني محشي وكدا ورقاق .. المهم وزعت علي كل الكبار من البطة وادتني انا ورك فرخه رغم ان لسه في فالبطه كتير و طبعا سالت معظم اللي قاعدين عايزين ايه و العيال قالو فراخ مش بنحب البط و ادت بناتها بطه و جوز بنتها وجوزي .. فالاخر عزمت عليا بنسيلة لحمه كدا من البطه قد صباع الايد وانا رفضت قولتلها مش قادره والله وجوزي لاحظ وقعد يديني حته من البطه بتاعته هو عارف اني بحبه وباكله عادي .. وقعدت تدي بنتها الكبيره حته زياده”
“مستغربة ومدايقه شوية من ساعتها بفكر معبرهاش في عيد الام اصلا ظروفنا وحشه وباجي علي نفسي ولا اكبر دماغي .. بقول هي مستقلية بيا كدا ومقدره الكل ..مع العلم هي قعدت تقولي كلي”.
رد خبراء مولاتي
سيدتي الكريمة.. نعلم مدى حزنك على الموقف المذكور، ولكن الإجابة تتلخص في سؤال واحدو، وهي “هل تحبين زوجك؟”
فإذا كانت الإجابة بنعم، فعليكي أن تركني أى سبب للخصام أو الألم النفسي، فزوجك من سيأتي لكي بكل البط والدجاج الموجود بالعالم، ولا تربطي بين تقديرها لكي وتقديرك لها ولنجلها.. وعسى أن تكون هديتك لها بعيد الأم سبب لوضع محبتك في قلبها وانهاء أي مشاكل بينكم”.
