سيدة تطلب الخلع من زوجها بسبب “الكوارع”

كتب -أسماء سرور

رفعت السيدة “صفية .م “24 سنة دعوى خلع على زوجها بسبب تناوله الكوارع بشراهه.

وقفت صفية أمام محكمة الأسرة، وقالت:” أنا شخصية نباتية ولا أتناول اللحوم الحمراء ومشتقاتها وللأسف جوزى بيحب اللحوم الحمراء جدا وبيحب باقى الاشياء مثل “الممبار والكرشه والكوارع “.

وأضافت صفية:”انا متجوزة من 6 شهور بيطلب منى اكثر من مرة فى الأسبوع إنى أعمل الاكل دة وأنا حاليا حامل وقرفانة ورافض أنه يرحمنى ، غضبت عند أهلى لمدة شهر ورجعت بيتى تانى على أساس انه يتغير ويبطل يطلب الأكل ممكن يطلبه من بره وياكله هو رفض وقال بحب أكله من ايدك أنا قولتله “أنا قرقانة من الحمل حلف عليا إنى أعمل الأكل يااروح لأهلى ” اختارت اروح لأهلى جالى خبر أنه خطب جارتنا كلمته قال أنا هجيب واحدة تطبخ اللى أنا عاوزة قولتله يعنى أنت بتهدم حياتنا عشان الأكل ،قال دة أهم حاجة فى الحياة ولازم تختارى إما تطبخى اللى نفسى فيه او تقعدى عند أهلك ،لجأت للخلع عشان انا مش هقدر أطبخ الاكل دة أبدا “.

وقبلت المحكمة الدعوى ولم تصدر حكمها حتى الآن.