سيدة تطلب الخلع من زوجها..كلمة السر “العمل”

كتب-أسماء سرور

رفعت مريم 25سنة دعوى خلع على زوجها بسبب رفضه استكمال عملها “موديل” بعد الزواج.

التعرف فى العمل

وقفت مريم أمام محكمة الأسرة وقالت”اتعرفت على جوزى خلال جلسة تصوير لمنتج هو مسئول عنه واعجب بيا جدا وقعدنا مرتبطين حوالى سنة ونص لحد ما خد خطوة التقدم بشكل رسمى”.

اكملت مريم وقالت”اتخطبنا وكان بيحضر معايا جلسات تصوير فى بعض الأوقات وبيدعمنى اتشهر أكتر وكنت بكسب كتير لدرجة إنى ساعدته كمان عشان نتجوز.

رفض العمل

تابعت مريم وكلامها وقالت”اتجوزنا وكنا كويسين جدا ولكن لما حس إن شغلى واخد وقت كبير بدأ يضايقنى ويرفض بعض العروض ويقول مفيش خروج النهاردة، بدأت اتضايق أكتر والأمور ما بينا أصبحت غير مستقرة”.

اضافت مريم وقالت”وصل الأمر أنه خيرنى ما بين شغلى وبين المنزل بعد أربع شهور جواز فقط مما جعلنى أشعر بالضغط نتيجة هذة التصرفات وقررت طلب الخلع قبل أن تسوء الأمور أكثر.

قبلت المحكمه الدعوى ولم تصدر حكمها حتى الٱن.