سيدة تطلب الطلاق للضرر بسبب “بطالة زوجها”

كتب-أسماء سرور

رفعت السيدة:” وداد. م” 42 سنة طلاق للضررعلى زوجها بسبب خسارة مشروعه وعدم وجود عمل ثابت.

وقفت وداد أمام محكمة الأسرة وقالت:” انا متجوزة من 22 سنة ولكن ضاق الحال ايام كورونا وكان عندنا مشروع قفل ومن ساعتها حالنا اتبدل وخسرنا كل فلوسنا تقريبا وكمان كان علينا ديون كتير الحمد لله قدرنا نسدهم، ولكن الوضع لسه صعب مش نفس العيشة اللى كنت عايشينها ولا الخروجات وده سبب مشاكل كتير بينا”.

واضافت وداد :”انا مستحملتش الوضع ده وبعت عربيتى وبقيت اصرف من فلوسها ولكن من دى العيشة ولا الوضع الإجتماعى بتاعى، أهلى بعد ما كنت انا بعزمهم أحلى عزايم بقى هما اللي بيعزمونا بس، جوزى راجل كويس ولما كان معاه مكنش بيبخل على حد وولادى محسسنى بالذنب بس أنا صبرت اربع سنين ومش قادرة فعلا اصبر تانى، قررت رفع طلاق لرفضه طلاقى وتمسكه بيا ولوقوع ضرر من عيشتى معاه”.

قبلت المحكمة الدعوى ولم تصدر حكمها حتى الآن.