شاهد..عمرو دياب في ورطة مع ليلى علوي
تقديم: ندى أشرف
حملات على السوشيال ميديا بطالبه بالاعتزال.. هو ايه اللي بيحصل مع الهضبه.. تعالو نقلوكوا ايه الحكاية.
تداول رواد مواقع التواصل الاجتماعي مقطع فيديو ظهرت فيه الفنانة ليلى علوي وهي بترقص على المسرح جنب الفنان عمرو دياب اللي اول ما شافها قام باحتضانها وتقبيلها.. الفنانة ليلى علوي مالت عليه عشان تبادله القبلة ثانية وده طبعا شيء عادي وطبيعي مع الجميع هنا بقى الفنان دور وشه و بصلها بصة غريبة أوي وشوح بايده وكانه بيقولها في ايه كفاية عليكي!!
الموقف ده حط الفنانة ليلى علوي في احراج كبير .. وعلى طول المقطع اثار تفاعل كبير على مواقع التواصل الاجتماعي، خاصة أنه انتشر بعد مقطع فيديو صفع الهضبة لأحد معجبيه واللي كان في نفس الفرح
السؤال هنا هو ايه بيحصل مع الهضبة مش طايق حد يجي جنبه او يلمسه، طيب فين جبر الخواطر يا هضبة؟؟
الواقعة دي مش الاولى ولا الأخير لمواقف عمرو دياب مع جمهورة الفترة اللي فاتت.
فأول مواقف الهضبة كان السنادي مع أحد المعجبين من جمهوره في حفل إطلاق البومه الأخير “مكانك”، وقتها في شاب الح كتير عى الهضبة عشان يغني أغنية قديمة.
هنا الهضبة انفعل وقاله: “والله ما هغنيها مدام أنت عمال تزن وتعلي صوتك مش هغنيها أنت هتمشيني ولا إيه”.
وموقف تاني للهضبة في حفل زفاف الفنانة ريم سامي وهو بيضرب فني الصوت على ظهره وطلب منه يمشي كل ده عشان الفني حاول تحريك واحدة من السماعات القريبة من عمرو دياب.
مكتفاش الهضبة بكدة ده كمان اهان السائق بتاعه في مناسبة فنية بدار الأوبرا.
وقتها تداول جمهور السوشيال ميديا فيديو قصير لعمرو دياب، ظهر فيه وهو بيتعدى لفظيًا على سائقه وده بس عشان حرك سيارته بعيد عن نقطة خروجه من الحفل
الفنان اتعصب وقال: “فين الحيوان بتاعنا، السواق بتاعنا فين”، وطبعا الكاميرات رصدت ده بالصوت والصورة.
خليكو معانا لسة مواقف الهضبة مخلصتش
في حفل زفاف نجل المطرب محمد فؤاد، وأثناء توجه الهضبة لدورة المياه، ووسط التفاف الجمهور حوليه، انفعل الهضبة على صحفي كان ماشي وراه، وقاله “أنت هتخش ورايا الحمام؟.. إنت ياض أهبل إنت وهو” وسط صدمه من الكل وقتها وفي اللي اخد الموضوع بهزار وعدت على كدة.
مالك بس يا هضبه هو ايه اللي بيحصل معاك، يا ترى ايه اللي هيحصل الفترة الجاية في قضيته مع المعجب اللي ضربه بالقلب قدام الناس كلها.. والجمهور هيسكت ع كدة ولا ايه،، تابعونا ع مولاتي.
لمشاهدة الفيديو..
