فراخ مشوية بالبصل المكرمل بطعم جديد
كتب ـ أسماء سرور
تعد الفراخ المشوية بصوص البصل المكرمل من ألذ الوصفات التى يمكنك تحضيرها لأسرتك برائحة تفتح النفس وطعم مميز وخطير،ستعتمديها دائما خلال العزائم والمناسبات.
يقدم لك مطبخ مولاتى طريقة عمل فراخ مشوية بصوص البصل المكرمل.
المكونات
فرخة كاملة
4 بصل كبير
ملعقة ثوم مفروم
4 ملاعق زبدة
ملعقة اوريجانو
2 ملعقة كبيرة خل
توابل (ملح -فلفل أسود -كمون-كزبرة-بابريكا -زعتر)
طريقة التحضير
اغسلى الفرخة جيدا ثم اقسميها نصفين وتبيليها بالملح والفلفل الاسود.
قطعى البصل شرائح رفيعة ثم شوحيها فى الزبدة حتى يصبح لونها بنى ومكرمل.
اضيفى الخل والاوريجانو والبابريكا المدخنة مع باقى التوابل وقلبيهم جيدا.
تبلى الفراخ بالبصل المكرمل تحت الجلد حتى تشرب التتبيلة.
ضعى الفراخ تحت الشواية على نار متوسطة لمدة ساعة حتى تنضج تماما ويصبح لونها أحمر مشوى.
قدمى الفراخ المشوية مع صوص البصل الموجود فى الصينية والأرز والعيش.
