كيف نرعى أمنا طريحة الفراش؟.. حلول إيجابية من مولاتي
كتب- سارة منصور
هي إحدى المشكلات الجدلية التي تتكرر باستمرار داخل الأسر المصرية، فالأم طريحة الفراش رعايتها واجبة وجوبًا يصل إلى الفرض، ولكن من الأولى برعايتها ” الأبن أم زوجته أم الابنة”.
لذا ارسلت الينا السيدة “ل.م” مشكلتها لطلب الرد والمشورة من مولاتي.
” مساء الخير كل سنه وانتو طيبين دلوقتي لوسمحتو انا حاليا متجوزة وعندي طفلين وجوزي كويس معايا بس عندي حماتي تعبت بقالها فترة وحاليا مش بتتحرك من السرير فجوزي امبارح بيقولي انا عايز اجيب ماما عندنا عشان اخد بالي منها قولتله انت بتكون في الشغل ازاي هتاخد بالك منها قالي ماهو البركة فيكي فانا معنديش مانع تيجي عندي واعملها اكل واغسل هدمها بس المشكلة هو طالب مني اهتم بكل حاجة يعني احميها وطبعا هي مش بتتحرك فسوري يعني بتلبس بامبرز فعايزني كمان اغيرلها وانا الحقيقة بقرف جدا ومقدرش علي كده وعلي العلم جوزي اكبر اخواته وعنده 2 اخوات بنات متجوزين . فانا دلوقتي عايزة اسلوب كويس من غير مايزعل مني ارفض بيه ممكن اقوله ايه من غير ما اجرحه ؟؟ “.
رد خبراء الصحة النفسية
مساء الخير عزيزتي أري أنك في سؤالك ترديدين تقديم المساعدة وليس حمل المسئولية كاملة وهذا حقك لا أحد يلومك علي ذلك
عليك التحدث بصراحة إلى زوجك أن يحضر جليسة تهتم بأمه ونظافتها الشخصية أو أن تقوم بذلك احد اخواته البنات لرفع الحرج عنك وانت عليك الاهتمام بأكلها وشربها وأن تعامليها معاملة طيبة من حسن اخلاقك.
رعاية الأم
وعليكي الا تثوري واطلبي منه بتعقل و يعرف أن أمه مسئوليته هو واخواته وسيسألهم الله عز وجل عنها ولا يقصر معها في شئ وان كان في استطاعتك مساعدتهم في شئ فلا تبخلي واصنعي المعروف لله ولا تنتظري شكرا من أحد وأسال الله لكي التوفيق ودوام الصحة.
