“مسح السلالم “..سيدة تطلب طلاق للضرر

كتب -أسماء سرور

رفعت السيدة “منار .ج” 30 سنة على زوجها طلاق للضرر بسبب سكنها فى بيت عائلة ومضايقة سلفتها لها.

وقفت السيدة منار أمام المحكمة، وقالت:” أنا ساكنة فى بيت عيلة متجوزة بقالى 8 سنين وعندى سلفة واحدة أكبر منى كنا بنقسم شغل البيت وبنمسح السلم كل واحدة بالدور وكانت الحياة ماشية برغم المضايقات” .

تنظيف السلم

وأضافت السيدة:” تعبت الفترة اللى فاتت بسبب أن حدث إجهاض منذر وكنت على وشك أفقد جنينى وساعتها اضطريت أنام فى السرير وهيا كانت عارفة عدى شهر بالفعل مش بتحرك لحد ما لاقيتها بتخبط على الباب جامد وزعقت ليا وأهانتنى ساعتها أنا قعدت عيط واستنيت جوزى يجى أول ما رجع كانت هيا تحت وحكت ليه اللى حصل كله طلع من تحت زى المجنون حتى مخدتش فرصتى أتكلم وأنا مش محتاجة أحكى لأنه عارف حالتى الصحية لاقيته بيشد فى الكلام وللأسف الموضوع أتطور ومد أيده عليا وأجهضت ونزل الجنين وحررت ضده محضر بالواقعة ورفضت الصلح والعودة مرة أخرى .

حكمت المحكمة بالطلاق طلقة بائنة وإلزام الزوج بدفع النفقات المترتبة على الطلاق.