من دفتر أحوال المحاكم..سيدة تطلب الخلع بسبب عمل زوجها

كتب -أسماء سرور

رفعت السيدة” فريدة.ع “28 سنة دعوى خلع على زوجها بسبب عمله دكتور تجميل وغيرتها الشديدة عليه.

وقفت فريدة أمام محكمة الأسرة وقالت:” أنا متجوزة من سنتين وجوزى قصة حب كبيرة وهو بيحبنى وأنا عارفة كدة ولكن طبيعة عمله أنا مقدرتش أتحملها وهو أنه دكتور تجميل،أنا عارفة أنه كويس ولكن أنا كنت بعمل مشاكل معاه بسبب غيرتى عليه من أيام إرتباطنا والخطوبة،واللى كان بيخلينى أتجنن هو الرسايل اللى كانت بتتبعت ليه من المرضى بتوعه السيدات على وجه التحديد.

وأضافت:” حاولت كتير أمنع نفسى ولكن مقدرتش ولما طلبت منه الإنفصال رفض وبشدة ولكن أنا حاليا واقفة ما بين غيرتى اللى مش قادرة أسيطر عليها وبين شغله اللى مش هيقدر يغيره مهما حصل،أشهد ليه أنه محترم ودكتور شاطر ولكن أنا أنثى لا أستطيع السيطرة على المشاعر الفطرية لدى،لذا قررت طلب الخلع لإستحالة الحياة بيننا”.