من دفتر أحوال المرأة ..سيدة تطلب طلاق للضرر بسبب “الغسيل”

كتب -أسماء سرور

رفعت السيدة” بسمة .م ” 33 سنة دعوى طلاق للضرر من زوجها بسبب غسيل سلفتها الذى تنشره فوق غسيلها.

وقفت بسمة أمام محكمة الأسرة وقالت:” أنا متجوزة من 13 سنة وعايشة فى بيت عيلة وسلفتى هى المتحكمة فى البيت كله وبتعمل مشاكل مع الكل ومحدش بيقدر يتكلم معاهاعشان جوزها هو اللى بيرد وبيعمل مشاكل مع الكل عشانها “.

وأضافت :”حصل مشكلة من حوالى سنة معاها من ساعتها وكل ما تشوفنى بنشر أى حاطة تنشر عليا غسيلها أو ترمى ماية عليه ،اشتكيت لجوزى أكتر من مرة بيخاف يكلم أخوه زهقت أنا قولت أكلمها هيا شتمتنى وبهدلتنى ومدت إيديها عليا وجوزها كان موجود ضربنى معاها ،عملت محضر فيهم والجيران شهدوا عليهم ،جوزى جالى عند أهلى وعشان نحل الموضوع أهلى طلبوا أخرج بره البيت عشان المشاكل رفض و هددنى إنى أسحب المحضر اللى ضدهم رفضت هددنى يأذينى ،طلبت الطلاق حط شرط إنى أتنازل عن المحضر” .

وقبلت المحكمة الدعوى ولم تصدر حكمها حتى الآن.