من دفتر محاكم الأسرة..سيدة:طلقني شفوي بعد 25 سنة جواز عشان يرضى مراته الجديدة
كتب-ندى الجبالي
“عقب ربع قرن من الزواج.. تحملت فيها طباعه الصعب وعشت تحت قدمه وقدم أولادي.. أصابني للمرض وابيض شعري وانحنى ظهري لأجل إسعادهم.. دخل علي بزوجته الجديدة لأنه أصابه الملل ويرغب في أن يعيش شبابة”.
أم التوائم وغدر الزوج
وفي دعوى خلع رفعتها ثرية أمام محكمة الأسرة، تروي: “أنا سورية جوزي مصري، اتعرفت على جوزي عن طريق مكان كنا بنشتغل فيه احنا الاتنين، خلفت منه تؤام صبيان في تانية جامعة وتالتة ثانوي وتؤام في تالتة اعدادي، وكانت حياتنا جميلة ومليئة بالذكريات السعيدة، حتى وانوكانت هناك بعض المشكلات العادية”.
عشان مخربش بيتي
وتابعت:”و في يوم جوزي دخل عليا و بيقولي إنه اتجوز وهيجيبها تعيش معانا، اتصدمت وقتها ومعرفتش أعمل ايه، ولادي كانوا لسه صغيرين ومحتاجني، قلت مخربش بيتي وفضلت في البيت ومسيبتش جوزي”.
ضرتي هي اللي مش عاوزاني
واختتمت:” وافقت إنه يدخل على بيتي ضره مع إن مفيش ست تتحمل كده بس وافقت عشان ولادي ومعنديش حل تاني”، مضيفة ان الزوجة الثانية هي من رفضت وجودي وافتعلت معها المشكلات على مدار أعوام حتى طلقها الزوج شفوي، رافضًا أن يعطي لها ما يثبت ذلك لذا توجهت إلى محكمة الأسرة لرفع دعوى خلع”.
