هجوم على هاجر الشرنوبي بسبب تقبيلها لإبنها.. ما القصة؟
كتب- ندى أشرف
تعرضت الفنانة هاجر الشرنوبي، الساعات الماضية لحملة انتقاد واسعة من الجمهور عقب ظهورها وهي تقبل ابنها في عيد ميلاده.
وعلى الفور تصدرت هاجر الشرنوبي، تريند جوجل ومنصات السوشيال ميديا بسبب هذا الهجوم إذ رأى البعض أن الصور بها جرأة زائدة وأنها لا تناسب مجتمعنا خاصة وأن ابنها ليس طفل لكي تقبله بهذا الشكل.
وعلى الفور ردت الفنانة هاجر الشرنوبي، على منتقدين الصورة وقالت: “مساء الخير يا جماعة، عايزة أتكلم عن حاجة مضايقاني جدًا، صحيت الصبح على كمية تعليقات مش طبيعية من ناس واضح إنهم مش طبيعيين، أنا منزلة صورة لابني وأنا ببوسه بمناسبة عيد ميلاده، وفجأة لقيت تعليقات زي: إيه لازمتها البوسة وتربية مش عارف إيه”.
وتابعت هاجر الشرنوبي: ” إيه المرض ده بجد مش لاقية تفسير للي بيتكتب غير في قلوبهم مرض فزادهم الله مرضًا، يعني إيه المشكلة في صورة عيد ميلاده وأنا ببوسه بجد مش فاهمة الموضوع غريب جدًا، وأنا مش عارفة فين المشكلة”.
و أضافت: “أنا بشوف تعليقات سلبية كتير، وبصراحة ما بدخلش أرد عليها، ولا عمري عملت لايف، ولا طلعت أتكلم، لكن المرة دي الموضوع يخصني، ودي صورة لابني في عيد ميلاده، مش طبيعي إن الناس تدخل تكتب تعليقات سلبية بالطريقة دي”.
واختتمت تعليقاها: ” عايز تقول نصيحة ابعتها في رسالة لكن أنك تكتب بالطريقة دي قدام الناس، ده بشع بجد مش لاقية أي مبرر أو تفسير للي بيحصل غير إن فيه ناس عندها مشكلة عقلية، يعني إيه المخ ده يهيأ لهم إن صورة أم بتبوس ابنها حاجة غلط”.
