سيدة تطلب طلاق للضرر ..كلمة السر “سلفها”
كتب -أسماء سرور
رفعت السيدة مها.م 30سنة على زوجها قضية طلاق للضرر بسبب ضعف شخصية جوزها وتحكم أخوه فيه.
وقفت السيدة مها أمام المحكة وقالت أنا متزوجة من 7 سنين وعندى ولد وبنت وعندى سلفتى أكبر منى ب 10 سنين ومرات الكبير وكل ما كنت أحمل كانت تحمل فى نفس الوقت وربنا رزقنا زى بعض وهيا عندنا ولدين كمان كبار .
وأضافت سلفتى بتغير منى جدا من ساعة ما دخلت البيت وهيا بتسخن حماتى وأهل جوزى وتتكلم عنى وحش وجوزها واقف فى صفها لحد ما أبنى كان بيلعب فى الشارع ابن عمه ضربه وفتح دماغه جه يشتكى ليا خدته وخيط دماغه وطلعت أكلمها قعدت تزعق “وزقتنى على السلم ومسكت فى خناقى ” أول ما جه جوزى حكيت ليه قال مليش دعوة أتصرفى معاها دى ست زيك أنا مش هدخل قولتله تمام .
وأستكملت السيدة تانى يوم جوزها جه وأنا كان جوزى نزل الشغل لاقيته بيخبط عليا وبيزعق وبيشتم لسه هرد عليه لطشنى بالقلم اتصلت بجوزى عشان أشوف هيتصرف إزاى قالى أخويا الكبير مقدرش اتكلم واقوله أنه غلط ،سيبت البيت وروحت عند أهلى وعملنل قاعدة عشان يطلق سلفى قدام كل الناس غلط فيا وشتمنى عرفت ساعتها أن مفيش فايدة رفعت طلاق للضرر.
حكمت المحكمة بالطلاق طلقة بائنة وإلزام الزوج بكافة النفقات المترتبة على الطلاق.
