“خلفت بنت ونفسي أجيب عيال تاني وأمه مش راضية”..سيدة تشتكي
كتب -أسماء سرور
أرسلت السيدة “م.م” إلى مولاتى شكوتها وقالت أنا سيدة أبلغ من العمر 30عام وزوجى 35 متزوجة من 10 سنين وعندى بنت عندها. 3 سنين جبتها بالعافية بعد محايلات لعلاج جوزى بسبب مشكلة عنده.
وأضافت السيدة، وقالت: “أمه قالت أعملى حقن مجهرى أبنى مفيهوش حاجة ومينفعش تطلعى جوزك العيب فيه ويروح لدكاتره ” رفضت أعمل الحقن المجهرى خاصة أن أخواتى دكاترة وعرفونى أن مشكلته بسيطة هياخد كورس علاج 3 شهور بس وإن شاء الله أخلف.
واستكملت السيدة رسالتها وقالت بالفعل خد العلاج وربنا كرمنا وحملت جبت بنتى كنت طايرة من الفرح بس حماتى مكنتش فرحانة وشايفة أنى كده صغرت جوزى عشان كدة بتاخد كل الفلوس منه أحنا عاملين مشروع خاص ومش بتخليه يدينى أى فلوس ومقصر مع بنته وبيته وأهلى اللى بيجيبو كل لبس البنت وكل حاجة .
الذهب
واستطردت رسالتها حماتى طالبة الدهب بسبب أن المشروع فيه مشاكل وأنا رفضت لأن دة مش مشروع جوزى لوحده وخلت الخلفة قصاد الدهب دلوقتى خيرتنى بين تاخد الدهب وتخلى جوزى يتعالج ونخلف تانى أو تخلى جوزى قاعد تحت معاها ومش راضية تخليه يطلع شقته ولا يشوف بنته.
ردت الإستشارية النفسية شيماء مصطفى وقالت أرى عزيزتى أن كلمة السر فى الموضوع كله هل فعلا تريدين أن تربطى نفسك بأطفال أخرى مع هذا الشخص.
عديم الشخصية
وأضافت مصطفى للأسف الشديد أقول لك زوجك “ابن امه” عديم الشخصية وعديم المسئولية يريد الأذن من أمه لكى ينجب الأطفال ،هل حقا ما قرأت أن حماتك تساومك على الذهب مقابل الأطفال ارفضى عزيزتى التنازل وارفضى التدخل وارفضى الحديث حول مستقبل أسرتك معها .
النقط على الحروف
واستكملت مصطفى ردها وقالت يجب أن تحضرى أهلك وتضعى النقاط على الحروف طالما يعرفون المشكلة يجب وضع حد لتلك المسكنات ،إما أن يكون رجل مسئول عن بيته وابنته وإما الطلاق من هذا الشخص .
