“ماما طلبت بابا يكتب كل أملاكه رفض وطلقها “فتاة تشتكى
كتب -أسماء سرور
ارسلت الفتاة ه.ن إلى مولاتى مشكلتها وقالت إحنا 3 بنات مفيش حد فينا متجوز أنا الكبيرة قبل رمضان ماما طلبت من بابا كتابة كل أملاكه ليا ولأخوات رفض خوفا من معصية ربنا ماما غضبت وسابت البيت.
وأكملت الفتاة والدتى أخدت أخواتى البنات معاها وأنا رفضت أسيب بابا لوحده خاصة أنه مريض ضغط وفعلا ضغطه ارتفع جدا وتعب وكلم ماما أكتر من مرة ترجع رفضت إلا بتنفيذ شروطها وماما حجتها”عيلة بابا طمعانين فيما ومش بيحبونا وهيورثوا معانا ”
وأكملت الفتاة رسالتها أن بابا أتصل بأهل ماما وطلب يقعدوا وبالفعل عملوا قعدة ومحدش قدر يقنع ماما وهيا مصممة تكتب كل الأملاك بابا رفض طلبت الطلاق وصممت وبابا طلقها قبل العيد بيومين ورجع زعلان جدا واتحجز فى المستشفى بسبب أنه تعب.
محاولة الصلح
واستطردت الفتاة وقالت طلب منى بابا أروح أعيد على ماما وأخواتى وأقنعهم اكى رفضت تدخلنى وقالت أنها غضبانة عليا وأن كل اللى بتعمله عشان مصلحتى أنا وأخواتى هل أنا غلطانة فى اللى عملته؟
ردت الإستشارية النفسية شيماء مصطفى وقالت لا ياعزيزتى لم تخطئى بالعكس من أخطأ هو والدتك بسبب هجرها لزوجها فى شئ شرعه الله سبحانه وتعالى وقسم المواريث .
تقسيم الميراث
وأضافت مصطفى أن من أقسى الأشياء على الإنسان هو تقسيم الميراث وهو على قيد الحياة ،يجب الرجوع فى هذا الأمر إلى الدين وليس الأهواء فلا أحد يضمن أن يعيش للحظة أخرى .
واستكملت مصطفى يجب أن تبقى بجانب والدك ولا تتركيه أبدا وتحاولين تقريب وجهات النظر مع أخواتك وتحثيهم على زيارة والدك ولعل الله يهدى والدتك وتعود مرة أخرى لتجمتع العائلة .
